سفه ببوريسيما
 |
| سفه ببوريسيما |
اما السفه عملت تقريبا كيلو الا ربع لي رقيقه كنستعملوها للسفه و ضفت لها اربع ملاعق زيت وملح خلطت كلشي مزيان وغسلتها كاين لي غير كيرشها انا كنغسلها وكنكون وجدت طاسه حدايا باش دغيه كنهزها بين بديا ونضغط عليها حتى يخرج منها كاع الماء نكمل بهاد الطريقه ونبدى نسمدها بيدي حتى تشرب مزياااان نعملها تفور نصف ساعه ونحطها في شي طاسه نضيفلها كاس كبير ماء ونبقى نفرق فيها غير بشويه بملعقه باش تشرب كاع داك الماء وكنسمدها بيدي باش الى لقيت فيها شي كويرات تعجنوا نزولهم مكنلقاش بزاف غير واحد ثلاثه من تبرد نردها تتفور نصف ساعه ضروري نخليوها حتى تدفى منردوهاش سخونه باش متتعجنش من تكمل للمره الثانيه نصف ساعه نفرغها عاود في طاسه ونضيلفها الزبيب لي كنت رفدته في الماء وخمس ملاعق سنيدة مكنكثرش السكر انا ومتضيفوش لها السكر بزاف من غتكونو غتردوها تتفور غيعجنها وكنضيف اربع ملاعق زبده وضفت قبل واحد كاس صغيور ماء عاد زدت سكر وزبده وزبيب خلطتهم مزيان ونسيت ضفت القليل من الملح نخلط كلشي نردها تتفور نصف ساعه ونفرغها في الطاسه مره اخرى نسقيها ببوريسيما علبة صغيرة لي كتعمل 8دراهم وكنزيدو ملعقة سكر و نحاولو نفرقوها بيدينا غير بشويه كتبان تعجنات كتبرد شويه كتشرب داك لحليب وزينتها باللوز والسكر والقرفه.
 |
| سفه ببوريسيما |