وصفة غراتان البطاطس والدجاج
 |
| وصفة غراتان البطاطس والدجاج |
جوج من صدر الدجاج نقطعوه قطع صغيرة
جوج بصلات كبار نقطعوهم قطعه صغيرة نحمروهم في شويه زيت من يذوب البصل نزيدو الدجاج نخليوهم يتقلاو مزيان ونضيفوا ربيع بعدها ملح كمون ابزار خرقوم تحميرة هريسة
اربع بطاطات كبار يتقطعوا مربعات صغار بزاف نطيبوهم في شويه ماء مالح بمجرد ما يغلي الماء نحسبوا خمس دقائق تبقى بطاطا كامله مطبش بزاف ونصفيوها نضيفوها لصدر الدجاج والبصل نخلطوهم مزيان ونخليوهم يطيبو شويه شي عشر دقائق مع الخلط كل مره حتى تبان لنا البطاطا طايبه لكن تبقى على شكلها
نطيبو جوج بيضات في الماء نحكوهم في حكاكه غليظة ونضيفو جبن محكوك وخمس بيضات و ملعقة كبيرة دقيق كامل و نص كاس صغير حليب وربيع مقطع و ابزار كمون وملح شويه نخلطوا كلشي ونضيفو له خليط البطاطس والدجاج ونفرغوه في مول الزاج ندخلوه الفران يطيب من يطيب يبقاله غير دقائق نزولوه من الفران نحكو عليه شويه فرماج ونردوه الفران لدقيقتين يذوب الفرماج.